ПЛАЧКОВИЦА

    Бел Камен е трет по големина врв на планината Плачковица и се наога на надморска висина од 1707м.

На падините под овој врв на растојание од 45 000 м2, обиколен со богата густа букова и борова шума се простира и хотелскиот комплекс БЕЛ КАМЕН на надморска висина од 1450м.

               Комплексот Бел Камен е идеален за вистински одмор и рекреација во секој период од годината, бидејки се наога во предел кој изобилува со природни убавини како што се високите карпи, флората и фауната кои можат да се сретнат само во оваа околина.

   Плачковица е средно висока планина во источниот дел на Република Македонија.
Највисока точка е врвот Лисец со височина 1 754 м. Планината се издига помеѓу град Радовиш и Струмичко-Радовишката котлина на југ и Кочанска Котлина на север, во правец северозапад-југоисток.

Геолошкиот состав го чинат гранити (на исток), кристалести шкрилци, гнајсеви и тесен појас на мермери на запад.Релјефот е интересен, претставен со флувијални зарамнини (површи) во повисоките делови и страмни планински страни од раседен карактер.
Планината е расчленета со повеќе длабоки речни долини.
Инаку реките кои се побројни и побогати со вода на северната страна, имаат длабоки долини и голем надолжен пад. Така на Зрновска Река има повеќе брзаци, водопади и џиновски лонци.

 

               На планината Плачковица се наоѓаат и три прекрасни кањони: Камник, Козјак и Зрновка во кои се наоѓаат прекрасни природни убавини како реки, водопади, преслапи, високи карпи...
За многумина кањонот Камник со својата убавина претставува Колорадо во мало. До сите кањони е обезбедена потребна инфраструктура за непречено движење (маркации, билборди, патокази, сајли, ферети и место за одмор).

             Од многуте убавини кои ги нуди планината Плачковица се и пештерите кои ги има повеќе, од кои пет се испитани и достапни за посетители. Најголема од нив е Големата пештера, со испитана должина од 600 метри. Таа претставува вистински бисер со своите пештерски украси и предизвик за спелеолозите.
Пештерите: Ќуп, Ајдучка, Туртел и Понор се помали, но богати со пештерски украси и се лесно достапни за посетителите и до нив водат маркирани патеки. Климата на подрачјето од Плачковица е умерено-континентална, со одредено влијание на средоземна клима од јужен правец. Средногодишните температури се околу 10-12 степени Целзиусови.

До хотелот се стига по целосно асфалтиран пат, достапен за сите видови моторни возила.

ХОТЕЛ И СПА

Хотелскиот комплекс Бел Камен е сместен на 40.000 м2 земја и шума од кои на хотелскиот дел му припаѓаат 1.650м2 и 2.000 м2 на двете надворешни тераси. Сместувачки дел е сместен на три ката, со лоби со бар, ресторан со камин, отворена тераса и СПА центар.

Хотелот нуди 12 двокреветни соби, потоа три апартмани, како и еден ВИП апартман. Многу внимание е посветено на ентериерното уредување, со внимателно и вкусно одбрани природни материјали. Сите соби се опремени со мини бар, со комплетно опремена бања, со кабелска телевизија, со бесплатана безжична интернет конекција… Секоја од собите, кои патем се со југо-западна поставеност, има ексклузивен поглед кон планинската идила. Она што вреди да се напомене е дека за децата до шест годишна возраст престојот во хотелот е бесплатен.

РЕСТОРАН

    

    Главниот ресторан има капацитет за 160 гости и нуди широк избор на гастрономски уживања. Сите тие се инспирирани од богатството на македонската национална кујна, како и од локалното гастрономско наследство. Секако, особено внимание се посветува на користењето на производи од органско потекло, кои што се привилегија на планината Плачковица: од свежо набрани печурки, до колорит од природни чаеви. Специјалитет што вреди да се проба: Тава Бел Камен и десерт од кад’нки со прелив од слатко од аронија.

Она на што се посебно горди во Бел Камен се сопствените насади на еколошка аронија, производ кој се користи во специјалитетите на куќата: меѓу останатото, Бел Камен на традиционален начин произведува и пакува делициозно слатко од аронија, помешано со еколошка капинка, исто така набрана на падините на Плачковица.

Хотелот располага и со голема надворешна летна тераса, со капацитет од околу тристотини гости, опкружена со густа букова шума, идеална за организирање на настани од секаков вид под отвореното планинско небо.

СПА-ЦЕНТАР

    Сите гости бесплатно можат да го користат СПА-Центарот, сместен на приземјето на хотелот. За релаксација и уживање од благодетите од топлата бања, а по напорното секојдневие или по користењето на спортски терени на Хотелот или патеките за пешачење и велосипедизам во околината на Бел Камен, на гостите на располагање им се содржини како: Џакузи; Парна бања; Финска сауна; Фитнес клуб, Масажи и Козметички третмани.

СПОРТСКИ ЦЕНТАР

Освен природните убавини и места за релаксација, на своите гости Хотелот им става на располагање и уреден Спортски центар. Поставен на северо-западна позиција, Спортскиот центар е составен од тревен терен за фудбал, терен за кошарка, специјално одделен и подготвен тениски дел, како и терен за мини голф.

ПЛАНИНАРЕЊЕ И ПЛАНИНСКИ ВЕЛОСИПЕДИЗАМ

Комплексот Бел Камен е идеален за вистински одмор и рекреација во секој период од годината, бидејќи се наоѓа во предел кој изобилува со природни убавини како што се високите карпи, флората и фауната кои можат да се сретнат само на ова поднебје.

Бел Камен е идеална почетна точка за вљубениците во планинарењето или на пасионираните поклоници на планинскиот велосипедизам. Обележаните патеки водат кон прекрасни пејсажи: од врвови и ридови, до засеци и долини.

ШУМСКИ ПЛОДОВИ

Освен со нечепнатата убавина на природа, Плачковица изобилува со растенија и шумски плодови кои што се наоѓаат на секој чекор. Од лековитите билки се среќаваат: кантарион, каламинта, риган, мечкин лук, мајчина душица, глог, црвен канатрион, ајдучка трева, јаглика и салеп. Додека, пак, малината, шумската јаготка, капинката, боровинката, дренот, трнинката и шипинката се најзастапените шумски плодови во околината на Бел Камен. Конечно, природата била дарежлива и со печурките кои што го наоѓаат своето место на менито на ресторанот на Бел Камен. Специјалитетите приготвени од вргањ, сончарка, јајчарка, лисичарка, буковка и од полскиот шамињон се незаборавно гастрономско искуство.

Локација и контакт

Бел Камен, планина Плачковица

+389 32 522 933, +389 76 247 670

info@hotelbelkamen.com.mk, marketing@hotelbelkamen.com.mk